Salud deoc'h. Klask a ran rimadelloù àr liv an amzer peotramant ar pesketa, ar c'hoari, ar vugale, h.a.

Piv zo ur mailh àr ar rimadelloù ? Dav eo din dastum ur toullad anezhe evit ma skolidi.

Setu teir 'm eus dastumet b'ar Faoued:

"Ruzhadur d'an noz ha brav 'benn antronoz"

"Ruzhadur da vintin chomit b'ar gêr m'oc'h fin"

"Avel b'ar walarn, pesked b'an ifern" (distaget: "aveul ba walèrn, peucheu b'an ifèrn")

"Rodenn pell glav tost, rodenn tost glav pell"

Kala gouian mamenn an deur ( dour ). Ma ne vez ket e vimp peur ( paour ). ( Bro An Alré ? )

Me 'greda e faotehe skriv "ruzadur", hag ar z ne vez ket distaget 'maet ba Bro-Leon. Ma skrivet "ruzhadur", an dud a zistagey "ruzadur" pe "ruc'hadur"...


Ba ma bro so "rimadelloù" sort-sen c'hoazh, mes ar gaoj "rûni" (ruzoni pe ruzni) 'vez impliet ba-lec'h "ruzadur".

Me 'skrivehe "bar" pe "ba'r" ivez, ket ma skrivet "b'ar", bochad tud a zistagehe "bër" : an "a" a vez distaget zo kani an araogenn, pas kani ar ger-mell.

"kelh a bell glao a-dost
kelh a-dost glao a-bell"

"glao war an tre
glao pad an deiz"

...

"Ruz pa guh
gwenn pa sav ( En eur gomz ag an heol eveljust )
An amzer 'vo brav. "

Ouian ket ma vez gwir pe pas.

Salud Solariys,

eh an da glask sikour un tamm dre roiñ un nebeudig traoù, pas kement-se àr liv an amzer met traoù kentoc'h evit ar vugale.

Selaou, selaou
Emañ ar marc'h é kac'h er c'hraou
Kae d'sellet g'ur penn-gouloù
Te 'gavo per hag avaloù !

-------------------------

Glav ha heol, emañ an Diaoul é plañtiñ kaol edan an daol

------------------------

Hai hai d'ar marc'had
Da glac'h botigoù d'ar gad
Ar gad 'deus k'afer a votoù
Hi a sailh dreist ar bodoù !

------------------------

Dodo mino bihan aet e vamm da foar an hañv, da breniñ poupon bihan !

-----------------------

Hei hei ma jav velen kas me da Giberen, da welet ma zad-paeren a zo klañv-bras get an derzhienn (ur fin zo d'an dra-se, un istor get ur pont met n'on ket sur emañ genin)

----------------------

Dodo mino bihan aet e vamm da Sant Julian da glac'h ur vuoc'h ur leue bihan emañ e vamm é tont en-dro ar leue bihan en he barlenn ar vuoc'h en ari ur gordenn !

-------------------------

Dodo paotr bihan aet e vamm d'ar bañ-bañ, da glask boñboñ d'an hani bihan

ar bañ-bañ = an overenn
un eil tamm un tamm skrijus a zo: Aet ar vamm, aet ar laezh, aet ar poupon a-druegezh !

-----------------------------

Setu evit hiniv... met sur a-walc'h e vehe moaien kavout re arall...

koul an traou-se!
Mersi bras Uccelino!