Germénen Cousin

Uccellino

Setu amañ un tamm testenn tennet a "Buhé er verh eurus Germenen Cousin"; komañset em boa lakaat an traoù àr an urzhiataer ha marse e vehec'h kontant da lenn an traoù-se, kar bravik a-walc'h eo ar brezhoneg a zo a-barzh.

Buhé, vertuyeu ha miracleu er vugulés Germénen Cousin

Disclériet eurus, dré hun tad santel er pab, Pi nauvèd ag en hanhue, ér blai 1853.
_________________________

Laqueit é brehonec, dré en eutru person a Izenah

E Guéned

E ty de Lamarzelle, é tachen el liceu

1855

AVIS A ZIVOUT EL LIVRIG-MEN

Er haèrran tresol e fehé bout laqueit én un tyegueah créchen e zou ul livr mad, rac ma vou aveid en ol dud a nehou ur gùir scolage a vertu, hag avel un æl gardien aveid ou hondui én hent e gass d'en Néan. Tinerreit m'en dé bet enta me halon, én ur huélèt péh quer bras scuir a santeleah en dès bet reit de bep-unan, én hé buhé, er vugulés vad Germénen Cousin, e za a vout disclériet eurus, n'en dès chet hoah guerço, dré hun Tad santel er Pab Pi naùved…

Pajenn II ag an avis

…ag en hanhue, ha drès peb-tra én ur sellèt a dost doh er miracleu hemb-fin en dès bet groeit hag e hra hoah bamdé en Eutru-Doué dré hé intercession, me mès chonget ha laret dohein me hunan en dra-men: perac buhé er Verh eurus-men n'en dé hi hanaùet guet en ol ? Perac en ol dud a mem bro ne hellant-int guélèt penaus en en dès bet guellet er gueih Vugulézig-men a ziar er mézeu hum seuel, èl m'hi dès groeit, d'ur bazen quen ihuel a hloér hag a inour é ranteleah en Néan ? Ha nezé, me mès hum aviset de laquat én ul livrig darn ag hé buhé, ag hé vertuyeu ha miracleu.
Oh ! guet a ré youang e hellou cavouet en tu de zonnèt de vout santel ehué int-memb, én ul leinein pé én ur gleuèt lein el livrig-men !

Pajenn III ag an avis

…guet a dud dré er secour a nehou, e vou douguet d'ou devout, int ehué, recour doh-t'hi én ou dobérieu spirituel ha tamporel, hag e vou cheléuet dré z'hi én ou fedenneu tuem ha grèdus !

Pajenn 1

Buhé, vertuyeu ha miracleu
er vugulés
Germénen Cousin

Disclériet eurus, dré hun tad santel er pab, Pi nauvèd
ag en hanhue, ér blai 1853.

QUETAN LODEN,

HÉ BUHÉ HA VERTUYEU A DAL HÉ GANNEDIGUEAH BETAG HÉ MARHUE

Gannedigueah Germénen. — Hé hetan souffranceu

Er verh devod Germénen Cousin, a béhani é vennamb scrihue er vuhé ha vertuyeu, hag e za, n'en dès chet hoah guerço, a vout disclériet eurus dré hun Tad santel er Pab, e oé gannet er blai 1579, é pibrac (sic), bourh a zeu gant tyad tud, tost d'er guér hanhuet Toulous, ér ranteleah a France. Distér é er peh e gavér scrihuet a nehi, ha drès peb-tra a zivout hé blayeu quetan. En Eutru-Doué, péhani en de-

Uccellino

Lakaat a ran an eilvet pajenn a-benn-kaer, ar bajenn gentañ ne oa ket gwall stank:

Pajenn 2

-voé choéget er verhig-men aveid hi harguein ag é græceu, hi santefias ag er hommancemant memb ag hé buhé dré hé gannedigueah forh izélêg, a béhani é hras dehi abred mad hanaùet ha cârein ol er péh e zou perpet staguet a vad doh ur stad peur èl-cé, mar vennér é gùirioné pourfitein a nehou. Revé er péh e gredér, hé zad hag hé mam e oé queih labourision doar peur erhoalh; N'en dé meid a veèg de veèg é ma bet deit t'emb en hanhue ag hé zad, péhani e oé Laurance Cousin, hag a hé mam, Mari Laroche. Er gueih merhig Germénen, péhani e zé aveid cresquein en tyadig tud peur-zé, e seblanté, ag hé déyeu quetan, bout galhuet guet en Eutru-Doué aveid er boén hag er souffrance; rac, én ur zonnèt memb ar en doar, hi e zégassé guet hi paud mat a visérieu déjà, p'en dé gùir en hi devoé a nezé un dorn frædet, ha hoah open droug er roué.
Calon mab dén e zou groeit aveit cârein. Quentéh èl ma ta ér bed-men, ni er gùel, èl dré natur, é clasq aben un dra benag doh péhani é hellou hum staguein; ha, deuéhattoh, (da vout heuliet)

Uccellino

Setu c'hoazh ur pennad evit hiniv: e gwirionez n'on ket sur e kouch an dra-mañ doc'h tem an is-forom-mañ; "Istoerioù e brezhoneg ar bobl", kar amañ eo kentoc'h brezhoneg beleg, na bout eh eus a-barzh e-leizh a draoù lâret get an dud hag e-leizh da zeskiñ (fed ag ar yezh !).

Pajenn 3

… ne vé quet cavet calz é tistag mui é garanté doh er péh en devé bet el-cé câret a vihannig. Chetui ehué perac en Eutru-Doué, en en dès-ean laqueit tostig tra d'emb, én ur zonnèt ar en doar, erré e zeliamb cârein quetan rah ar é lerh-ean, hur hérent, hun tadeu ha mammeu. Hà penaus ne zehé demb-ni ou hârein, mar sellamb un tamig benag ahoèl a dost doh er sourci hemb-par e guemérant a hanomb, doh er boén e laquant d'hun dessaù, ha doh er sacreficeu e hrant aveid-omb é peb amzér, mæs drès peb-tra én hur blayeu quetan !
Rac-cé, péh truhé ne gueméramb-ni doh ur heih croaidur, doh ur heih énévad péhani n'en dès chet bet er bonheur de hanaùouèt é dad nag é vam ér bed-men ! Haval é guet-n'emb, ha gùir é en dra-men, é vanq un dra benag dehou aveit bout eurus ar en doar. Bout câret a galon guet hun tad ha guet hur mam, ou hârein ehué ni memb a greis hur haloneu, chetui azé er péh e hra en eurusted hag er gùir bonheur ag hur blayeu quetan, ha ma n'hun nès chet er bonheur nag en eurusted-cé, en hun gav aben ol hur buhé arlerh de vout forh du ha tihoél. (da vout heuliet)

Uccellino

Pajenn 4

Er verhig vad Germénen, choéget guet Doué aveit discoein d'en ol, én hé homportemant, er scuir a baud a vertuyeu; e oé bet requis dehi, ag er pen quetan rah ag hé buhé, pratequein ur vertu péhani en dès eid fondæson er sacrefice. Merhuel e hras hé mam, é raug allas ! ma oé memb deit ag er gavel. N'hi devoé mui nameid hé zad, hag èl m'en devehé bet déliet en ol misérieu d'un dro couéhel ar er verhig peur-men, hé zad ean-memb e ziméas a nehué un herradig amzér arlerh, ha béh erhoal ma hellé déjà sellèt én dro dehi, ma couéhas a nezé hé deulegad ar ur vamèg randonnus, ar ur vamèg carguet a jalousi ha fal aquerh a galon doh er gueih Germénen. O hui bugalé eurus, peré bamdé e zou câret ha chérisset guet hou mammeu tinèr a galon doh-oh, hà comprénein e hret-hui péguement en en devoé bet d'andur ur verhig mahaignet ha quen distér péhani, ag en oaid tinérran memb allas ! e huélas doh hé hosté hag ital d'hi, é léh ur vam vad ha carantéus èl e hoès, ur vamèg gùir vourréàués, ha péhani bamdé e yé é colér doh-t'hi ? er vamèg-men, ag hé zu, en devoé bet ehué…
(da vout heuliet)

Uccellino

Pajenn 5

…bugalé, hag, èl ma tigouéh liés mad, é léh hi devout truhé nezé doh er gueih énévadés Germénen, hi hé heméras quentoh gronç é caz. Hui e hùel enta amen, ér bèr guirieu e scrihuan, er pen quetan a vuhé Germénen; donnet e hras peur ér bed, gronnet déjà a zrougueu, ha laqueit open idan berh ha bili ur vamèg forh divergont ha divéh doh-t'hi. Malhurus e oé revé er bed, mæs revé Doué ne oé quet. Caèr erhoalh é er baraouis aveit bout gouniet dré sacreficeu calet ha hùerhue; admirabl erhoal, santel erhoalh é volanté Doué, aveit ma tei d'emb hi hârein é peb-tra ha rein dehi hur bennoh. "Eurus erré e houil !" e laré Jésus-Chrouist guéharal d'ur bobl tud e oé tolpet én dro dehou. Germénen ehué e scuillas dareu én amzér memb ne oé hoah nameit croaidur: ô eurus Germénen ! en Eutru –Doué e sellou doh ol en anquin ag hou calon, hag e gontou ol er souffranceu e hoès d'andur. Payet en dès, dré er bris ag é oaid précius, ol er batianted e hoès hag ol er garanté e zou requis t'oh cavouet, aveit labourat guet santeleah, avèl ma hret, aveid é hloér prop hag hou salvedigueah hui-memb. (da vout heuliet)

Uccellino

Pajenn 6

Quetan labour Germénen, — Hé fæçon de bedein

Quentéh avèl ma tas de Germénen bout un tamig ér stad de virèt er lonnèd, é oé bet reit dehi er garg-zé a berh hé mammèg, ha honnéh oé bet a nezé, betag en dé deuéhan ag hé buhé, hé mechir. Mæs ne oé quet bet ag er gueih vugulés-men, ér vechir-zé, avèl m'en dé én hi, el liessan, ag er vugulion aral. Er péh e hra, casi dalhmad, ma chom er gueih bugulion hemb ou devout hanaùedigueah erbet ag en treu spirituel, ag er péh e sell en inean, e zou rac m'en dint dispartiet doh en daremprèd ag er bed ha pél dalhmad doh en dud; mæs chetui azé memb er péh e oé bet eid Germénen ur vamen a sclerdér aveid eid (sic) hé spered-hi, hag a hilleih a vénédictioneu ag en Nean. Sèl disprisaploh ma oé deit de vout dirac deulegad en dud ag er bed-men, dré en arben ag en drougueu hi devoé revé er horv, sèl mui en hum blijé en Eutru-Doué é tiscoein dehi….
(da vout heuliet)

Uccellino

Pajenn 7

…er mercheu splannan rah ag é garanté én hé hevir, hag ehué é græceu spécial ér stad humbl hag izeleg-hont é péhani en en devoé hi laqueit. Ya, en Eutru-Doué, péhani hum guh doh erré abil hag orgueillus, mæs ag en tural, e gav é blijadur doh hum ziscoein d'erré vihan hag humbl, e gonzé doh calon Germénen, dré er burhudeu admirabl ag en ol dreu crouéet peré hum zisplégué dirac hé deulegad. Ne fehér quet larèt pihue é en dès bet, quetan rah, disquet de Germénen er guirionéeu principal ag er religion a grechéneah; mæs gùir é attaù larèt penaus en hani en dès ean bet groeit, ne vern pihue é a dural, ne hras quet calz a dra, rac n'en devoé quet bet calz d'hobér. En Eutru-Doué ean-memb é hunan e achihuas disquein é vugulézig, é vatéh. Gout e hras Germénen abred, hag a vihannig-memb, , er péh ne houi quet jamæs allas ! erré peré ne houlennant quet guet Doué, dré bedenneu tuem ha grédus, ma pligeou guet hou ou disquein, ou instrugein. Pèl ma oé avèl-hont doh er saffar ag er bed, ne oé nitra capabl, én ur oarn, èl ma hré, hé lonnèd ér parqueu, ….
(da vout heuliet)

Uccellino

Pajenn 8

…d'hi distroein a chongeal é Doué perpet, hag ehué én ol moyanteu hi devehé bet cavet aveit pligein, èl ma venné, é peb-tra d'hé Hrouéour. Hé ol souci inou e oé pedein Doué hemb arsaù. Er vraùité ag en ol dreu crouéet, e huélé dalhmad èl-hont dirac hé deulegad, e gonzé doh hé halon hilleizh crihuoh aveit n’en devehé bet conzet jamæs en ol livreu, en ol predègueu memb hi devehé bet guellet cleùet, hag, ag hé zu, hi e gompréné reih mad ehué langage en treu burhudus-cé. Èl guéharal ur vugulés aral, santés Geneveuv, ar ronteu péhani é querhé hemb hanaùouèt hé buhé, hag ehué èl sant Françès a Assis, a pé gleué er pichonned é cannein, é havalé guet-hi én hi houvient dré ou han de vêlein hé Hrouéour ; splandér liguernus en hiaul e oé eit hi ul limage a splandér éternel en Eutru-Doué, ur oah hi devehé bet guélet é ridêg guet hèrr ital hé zreid, e zégassé chonge dehi aben penaus ma tremén bean ehué buhé mab dén ar en doar ; er guél ag hé deved ind-memb e oé aveit hi ul leçon hag hi disqué de vout douç hag humbl a galon ehué d’hé zro. Elcé enta, er….
(da vout heuliet)

Uccellino

Pajenn 9

….bed-men n’en devoé mui, guet é ol dud abil, nitra aquerh de ziskein d’er gueih verhig dihouièg-men péhani e hanaùé mad hé Doué, n’en devoé mui ehué nitra aquerh de rein d’er gueih peurézig-men péhani e gâré quement hé Doué. Hé ol leuiné ér parqueu e oé bout hé hunan inou. Jamæs ne oé bet guélet é clasq compagnoneah er vugulion youanq aral ; ou hoarieu n’hi zennent que devat-hai ; ou hoarhereaheu diavis ne barrent quet doh-t’hi a zevis attaù doh Doué. Mar conzé, ur benag én amzér, doh merhédigeu aral ag hé oaid, é oé dalhmad aveit ou douguein guet doustér d’où devout int-memb chonge a Zoué, en er groé perpet.
Ah ! bugulion ha bugulézed youang, revou enta hou chonge quetan hui ehué clasq dalhmad en Eutru-Doué én ol œvreu e hret ! èl Germénen, èl santés Geneveuv, èl en Ermited-hont a Balestin, èl Jacob ér mésopotami, èl Moïs én Egypt, clasquet en Eutru-Doué, ha hui e houyou er havouet. Rac quement tra crouéet e gonzou d’oh a nehou. Hàg ean e zou un dra benag én Néan pé én-dro d’emb, hemb…
(da vout heuliet)

Uccellino

pajenn 10

…ne zégass chonge-t’emb hemb arsaù ag é buissance hag ag é vadeleah ? Disquet enta, hui ehué, devis hui memb doh Doué a p'en doh hou ç'hunan guet hou lonnèd, ha hui e gonduyou ur vuhé vad ha douç én hou playeu quetan. Mæs petra e laran-mé ? hilleih a hanoh er groa déjà, èl ma credan ha ne mès quin dobér, aveit hum assurein a guement-cé, nameid ag er péh e yan de larèt-t'oh, hag e hoès marcé cleuet déjà.
Ur bélèg, péhani n'en dès chet hoah guerço, e oé é hobér hent tost d'er guér a Glermont én Auverg, e huélas étal en hent dré béhani é treméné ur pautrig, ur bugulig youanq, e seblantas dehou bout dishaval doh er vugulion aral dré en arben ag er vin modest ha poset en devoé. Ean e dostas d'er hroaidur-zé hag hum laquas de zevis èl-men doh-t'hou:
— "Petra, m'ami ! té zou azé ha ç'hunan-pen é pad en dé, té zeli cavouet hir en amzér ha scuéhein ?
— "Oh ! ne pas, Eutru, e rescondas er hroaidur, ne scuéhan quet tam erbet, rac mé hra perpet un dra benag. (da vout heuliet)

Uccellino

Pajenn 11

— "Ha petra e hrès-té enta, me hroaidur ?
— "Hui e ya de huélèt, Eutru; Me houi ur gaér a beden: Oh ! ya, nà càerrèt ur beden é honnen ! guet a gonfort e ra hi d'er galon, er beden-men e houyan ! Mem brassan bonheur ha leuiné e zou ehué hi larèt quement dé zou.
— "Mæs anfin, ne bedès chet é pad ol en dé attaù ?
— "É pad ol en dé, Eutru; ha hoah n'hellan quet arrihue én achimant anehi, a ben en noz.
— "Ha péh peden é honnéh enta ? é guirioné, ret é m'en dé hir bras, a pe ne hès chet erhoalh ag un dé aveit hi larèt pen d'er ben.
— "Oh ! ne pas, n'en dé quet hir, forh vèrr é quentoh; er beden-cé e zou: Hun Tad, péhani e zou én Nean.Chetui amen penaus é hran eit hi larèt: quent commance guet hi, mé saù me halon tremeha Doué, ha goudé nezé me lar: "Hun Tad, péhani e zou én Nean !" Azé mé arrest, aveit chongeal ér græce e ra d'ein en Eutru-Doué én ur bermettein d'ein er galhuein èlcé me zad ! Penaus…..
(da vout heuliet)

Uccellino

Pajenn 12

… é hell bout, e laran-mé doh'on me hunan, m'em behé-mé, queih bugulig deved ma on, m'em behé-mé aveit tad un Doué, un Doué quer mad, un Doué quer puissant ! un Doué péhani en dès crouéet a nitra er firmamant caèr-zé e huélan, en hiaul-zé e ra splandér d'emb, hag en doar-men ehué guet é riviéreu, é foresteu ha mannéyeu ! ya, ean e bermet d'ein-mé, queih misérablig ma on, d'ein-mé péhani n'en don nitra, ean e bermet d'ein laret dehou me zad ! er chongeu-cé, Eutru, ha paud aral hoah guet hai, e za nezé ém spered, hag er garg me halon a santimanteu mad én é guevir; nezé me houil mar-a-huéh, ha n'hellan quet mui derhel pelloh de bedein. Hag open en dra-zé, Eutru, ne huélet-hui du-hont itré dihue huéen, pèl du-hont, ha goal bél memb, er guérig-hont a var a dy ? Hama, azé memb é choman, mé zou-mé ag en ty peurran rah ag inou. O madeleah hemb-fin men Doué : mé hell-mé neoah, quer clous avel en dud pinhuiquan rah, larèd dehou mé-memb ehué me zad ! èl d'hai, me zou mé ehué croaidur de Zoué.
(da vout heuliet)

Uccellino

Pajenn 13

Hama ! hennéh oé ehué, hemb arvar, labour pamdièg Germénen ér parqueu. Er galon hont péhani e oé quer glan hag ér memb amzér quen anquinet, hum zougué bamdé tremeha Doué guet ur grèd sèl brassoh, ma oé ér bed-men hemb hi devout nitra aquerh capabl d'hi staguein doh-t'hou. Joé é guet n'ein laquat ém spered en hi guélan, ér parqueu hont a bibrac, saùet dré er beden dréz ol en treu ag er bed-men, é tevis guet en Æled doh péré é havalé, ha deit de vout avèl un estrangeourés eid er vro-men, péhani n'hé hanaùé quet calz, ha n'en devehé quet bet vennet memb a nehi dré en arben ag hé drougueu. Joé é guet-n'ein laquat de vout gùir, bammet ma on d'ur vertu quer caèr èl e gavan én-hi, penaus er péh e guh hag e holo doh hun deulegad-ni en tolp bras a speredeu eurus e zou doh hur gronnein a bep tu, ne viré quet doh deulegad Germénen ag ou guélet, hag é vihué er verhig santél-men, èl Adam é raug é béhed, ag ur vuhé ne gomprén quet allas ! hur squendeu ponnér-ni. (da vout heuliet)

Uccellino

Pajenn 14

Er plêg ag hé volanté de hani en Eutru-Doué – Hé fatianted.

Én ur bléguein a galon vad de volanté santel en Eutru-Doué, én ur guemér, èl ag é zorn, ol er péh e zigouéh ér bed-men guet-n'emb a zroug, én ur hobér aveid Doué ol er péh e hramb bamdé, ha doh én adorein é peb-tra, n'en dès chet léh de vanquein a avance béan, é bèrr amzér, én hent a bep-sort vertuyeu. Raccé, ur hommancemant quer caèr èl en devoé bet Germénen, ag er pen quetan rah ag hé buhé, e oé bet aveit hi avel er hetan pas ag er santeleah ihuél e ziscoas deuéhatoh dirac deulegad en ol dud. Coutant ma oé dalhmad a ol er péh e houlenné Doué guet-hi, hi e laquas perpet rah hé sourci aveit donnèt de vout parfæt ér stad é péhani en en devoé é zorn adorabl hi laqueit, én ur bourfitein ag en ol moyanteu a salvediguerh e hellé cavouet én hou. Er guetan vertu-men, mé venn larèt er plèg dalhabl-men ag hé volanté de hanni…
(da vout heuliet)

Kado

Ur braw a labour peus lakaed amañ !
Kado.

Uccellino

... ya met amañ eo achu get ar pajennoù am boa graet en a-raok, setu bremañ an hani diwezhañ anezhe. Re arall a zay moarvat met pa 'm bo hoar ! Talvout a ra ar boan ur sort...

Pajenn 15

…santel en Eutru-Doué, chetui er péh e oé bet er vamen ag en ol vertuyeu aral e
bratiquas imbèr arlerh er vugulés devod-men a bibrac.
Allas ! bugalé peur, ne houyamb quet-ni pléguein erhoalh idan dorn en hani en
dès hur hrouéet hag hur groeit aveit-hou. Pèl doh inou, ni e garehé quentoh ma vehé-ean e hrehé hur volanté-ni dalhmat, ha ma coutantehé hur fantasi é peb-tra. Ni e venn, el liessan, hum gonduyein ni-memb, hag haval vé guet-n'emb é houyamb guél aveit hou er péh e jauge doh-emb. Mar domb pinhuig, ni e hoanta hur bout danné ha madeu aral hoah; mar domb peur, ni e glasq hum binhuiquat; mar domb clan, ni e venn er yahad; ha mar domb avel tud dishanaùet ér bed-men, é ma requis ma ridehemb arlerh en inour hag en istim ag en dud. Én ur gùir, n'en dès nitra ne vennamb hur bout nameid hemb quin er péh hun nès. Ha neoah ni e zou crechénion, ni e gred é ma nitra é er bed-men, ni e gred é ma requis ma souffrehemb aveit monèt d'er Baraouis ! Ha penaus, men Doué ! é hrehemb-ni enta un dra benag a vad aveid en Nean ? Aveit héli Jésus-Chrouist, (da vout heuliet... afi, ne gomzan ket a Jezuz-Krist met ag ar rummad-mañ !!)

Kado

Notennig
"Buhé, vertuyeu ha miracleu er vugulés Germénen Cousin" zo bed skrived dre an Eutru Le Diot, unan a skrivagnerion "Brediah er Fé"
Kado.

Uccellino

E gwirionez n'eo ket getoñ-eñ ema bet skrivet, n'en deus graet nemet troiñ, skrivet eo "Laqueit é brehonec dré en eutru person a Izenah" er levr-se.

Uccellino

Pajenn 16

… é ma quetan rah requis ma renonciehemb d'omb hun hunan, hag é ma hum glasq é e hramb. Ha chetui azé er pen-caus m'en dé hun œvreu hemb pourfit erbet eid-omb ; chetui er pen caus ma couéhamb, ha ne yamb quet tam a raug.
Germénen ne hras quet elcé ; hi e gâras hé feuranté hag e houyas hi laquat de vout aveit-hi lén a vérit. Er rustonni ag er sasunnieu ag er blai, idan péré é oé ret dehi bout perpet, e oé bet eit-hi un occasion de bratiquein er benigen calettan rah. Èl sant Benæt ermit, el labourér santel-hont ag er vro a Sicil ; èl sant Isidor, el labourér-hont aral ag er ranteleah a Spagn, hi e blégas perpet, hemb néhance hag hemb poén d'en tuemzér ag en han ha d'er rustoni ag er gouyan ean-memb, deustou péh quer calet oé en dra-zé aveit unan e oé quer goann ha dalhmad clan avèl ma oé. En dud en devoé hum zistaguet doh t'hi dré en arben ag hé drougueu, hag er memb drougueu-zé e chervigeas d’où zro d'hi distag ehué hi-memb a zoh t'hi hé hunan, ha d'hi staguein stertoh hoah doh hé Hrouéour hag hé Zad: forh dis-
(da vout heuliet)

Uccellino

Pajenn 17

-haval é quement-cé doh réral peré, dré n'hum zacorant quet na ne blégant quet de volanté santel en Eutru-Doué, e goll ol er bris ag ou foénieu, hag e za de vout cablussoh hoah liés, ér memb amzér ma tant ehué de vout ohpen miséraploh.
Er vugulés devot Germénen, en devoé arré quement aral a gourage hag a batianted aveid andur poénieu aral, calettoh hoah d'hé halon, e gavé é ty hé zad. Laret hun nès-ean déjà, ty un tad hag ur vam péhani, eid erré truheccan rah, e zou ul léh a recour é creis er boén ha trebil, ne oé eid er gueih Germénen nameid ul léh a zareu hag a dristedigueah pamdièg. Ne vern péh quen dibourvé m'hum gavehé ur hroaidur a vadeu er bed-men: ne vern péh quer poéniet ma fehé bout a spered, ne vern péh quer bras drougueu en devehé d'andur, ean e gav attaù é ty é dud ur joé dréz en ol joyeu aral, er bonheur a vout câret. Mæs allas ! Germénen ne oé quet hi câret, ne oé sellet meit guet drespet é ty hé zad. Ne oé nitra eit hi inou; ne vezé quet memb groeit a léh dehi é corn en tan; béh erhoalh ma hellé cavouet…
(da vout heuliet)

Uccellino

Pajenn 18

… ul léhig benag aveit hum dennein én abri. Hé mammèg, moés cri ha calet a galon mar boé, én arfleu ma oé doh-t'hi perpet, hi hassé d'ur goignel benag, ha de noz e hré dehi cousquet ér hreu, pé memb ar ur yoh brinssad-coèd én dôn ag un alé tihoél. Pihue e hellou larèt jamæs péguement a nozeaheu a boén en dès bet treménet èlcé, é creis er rustonni ag er gouyan, er verh-men a groésieu ! Mæs n'en dé quet hoah erhoalh, er vammèg dinatur-zé, dré hé fennadeu imur, de beré ne vezé quet a achimant jamæs, e zihuenné doh-t'hi open a dostat memb d'er vugalé aral ag en ty, hé hantér vredér ha hoérezed, aveit peré en en devoé neoah er gueih Germénen ur gùir garanté én hé halon, ha de beré é oé prest de rantein chervige attaù quel liès guéh èl ma hellé er gobér, hemb discoein jamæs dehai en disterran merche memb a jalousi én ou hevir.

Er pénigenneu e hré.

En Eutru-Doué en devoé disquet erhoalh Germénen de gârein er souffranceu, eit m'hi ……

Uccellino

Pajenn 19

…devehé bet receuet a galon vad ha guet joé memb ol en disprisance-zé e vezé groeit a nehi é ty hé zad, ol er rustonni-zé en devoé hé mammèg én hé hevir. Hi e daùé enta, hag hum guhé én ur goignel benag hemb sannein griq; hàg èl p'hi devehé hoah sellet hé hroéz èl rai zistér aveit-hi, hi e hras open pénigenneu aral a nehi hé hunan. Épad ol hé buhé ne zaibras, eid ol magadur, nameid hemb-quin un tamig bara ha deur.
Commancet hi devoé ag er pen quetan rah, dré bléguein é peb-tra de volanté santel en Eutru-Doué; a-ziar er vertu-zé é tas dehi ur vertu aral, ur grèd bras eid er beden: chetu hi bermen é pratiquein er bénigen péhani e zou ur vertu quer crihue ha quer capabl de vouguein én-omb er goal inclinationeu ag en natur corromplet-men, quentéh avèl ma ta dehai hum seuel én hur haloneu. Elcé hui e huél penaus, èl ma houlenn er vince ur vince aral, er vertu e houlenn ehué dalhmad ur vertu arall d'hi héli, er vad e denn er vad.
Mæs, hàg ean e zou elcé é comprenér en treu ér bed bremen ? hui e hra hui ehué œvreu…
(da vout heuliet)

Uccellino

Pajenn 20

… mad, bugalé; hui e lar hou pédenneu, hou Penedicite, hou chapelet : hui e lein livreu mad a pe hoès en amzér; hui e dosta d'er sacramanteu de bep termén; hui e ra marcé un alezon benag d'er peur; hui e ya d'er guélèt a p'en dé clan ar é hulé. Ol en dra-zé e zou mélabl, hag e ra scuir vad d'en ol. Mæs, laret t'ein, en œvreu mad-cé e hret, penaus en ou groet-hui, hag idan péh condition ? hui ou groa, arlerh n'hum gavehet quet de vout génet doh ou gober, arlerh ma vehet libr aquerh d'ou lezel a costé , pé garehet, ha d'ou gober arré a retorn, revé ma pligeou guet-n'oh ; hui ou groa, arlerh ma veint œvreu hag e vou gronç d'hou chonge, ré hag e vou d'hou choés-hui, arlerh ne reint quet diæsemant erbet t'oh en hou cousquet ; arlerh m'hum alieint a vod guet er sourci bras e gueméret bamdé ag hou yahad ; rac n'en dé meid idan conditioneu èl erré-zé en hum garget ag ou gobér. Mæs, é gùirioné, hàg ean e zou quement-cé e hanhuér gober pénigen ! Hàg ean e zou quement-cé e venné Jésus-Chrouist ansaignein d'emb, a pé laré: "N'en don quet deit eit dégass er peah ar en doar, mæs er…
(da vout heuliet)

Uccellino

Pajenn 21

…brezel" ? Ha hoah: "Pihue benac e venn bout men discipl, renoncieèt dehou ean-memb, dougueèt é groéz hag hélieèt-mé." Sant Paul n'en dé-ean azé aveit larèt t'emb ehué d'é dro: "Ol erré e zou de Jésus-Chrouist en dès crucifiet ou hicq guet é vinceu hag é hoal inclinationeu." Ne lar quet hemb-quin en ou dès crucifiet ou halon, mæs ou hicq, er hicq criminel-zé, péhani e zeli bout lodêg ér boén, èl m'en dé just, arlerh m'en dé bet lodêg ehué ér péhed. Chetui penaus é vér créchen, pé penaus é teliér bout créchen. Erré santel int-memb e zeli tremèn dré-zé: petra chongeal enta, petra larèt ag er béhérion ? Ha neoah, péh pénigen e hrant-int ? Péh yuneu e hrant-int ? Ha hui-memb, peré e lein en dra-men, hà gobér e hret-hui ehué ? É péh occasioneu en e hoès-hui groeit, guet ur gùir spered a bénigen, er sacrefice ag hou coust, ag hou repos, ag hou yahad ? Pégours en e hoès-hui bet d'andur, hag en e hoès bet anduret a galon vad, er rustonni ag er gouyan, hag en tuemzér poahus-hont ag en han ? Én ur gùir, hàg hellein e hrér larèt é oh ur hroaidur a bénigen ? Péh merche e zouguet-hui a guement-cé ?
(da vout heuliet)

Uccellino

Pajenn 22

Germénen, santel ma oé hag ol collet é Doué, en devoé comprénet penaus er gréchenion e zou èl quel liès a hosti e zeli bout sacrifiet de hloér en Eutru-Doué, a ziar scuir hur Salvér adorabl ean-memb, ha penaus, idan ur pen couronnet a spern, é vehé ur méh ma vehent-int goleit a ros. Er garanté doh Doué e zou un tan péhani ne vaguér nameid hemb-quin guet er hoèd ag er Groéz.

Doué e oarn hé deved.

Quement a havaledigueah doh Jésus-Chrouist én é beuranté, én é boénieu ha souffranceu, e gandalhé é calon Germénen ur garanté crihue ha berhuidant doh hé Salvér béniguet. Deustou ma oé goann, èl m'hum nès ean guélet, hag én drespet d'en ol diæsemanteu hi devoé a du ral, hi e yé bamdé d'en overen. En deværieu-memb ag hé stad ne virent quet doh-t'hi ag hum gavouèt ér Sacrefice adorabl-zé ag en Autær. Carguet ma oé a gonfiance é Doué, hi e lausqué ou hunan…
(da vout heuliet...)

Uccellino

Pajenn 23

… hé deved ar er mézeu, hag e yé de stouyein ar hé deuhlin doh treid er Bugul divin Jésus. Azé ahoél, doh treid en autærieu, hi e gavé er gùir gonfortance a béhani en en dès dobér queih calon mab dén én é boénieu. Hi e ziscoé inou, d'hé Mæstr adorabl marhue ar er Groéz, ol hé feuranté ha ghé misér; hi e reneuéé dehou er volanté vad é péhani é oé de zouguein attaù hé hroéz bamdé guet patianted; hi hum accusé dirac t'hou, guet en dareu én hé deulegad, a ol hé dibarfectionneu disterran memb; hi e bedé aveid hé mammèg fal ha didruhé doh-t'hi, e houyé attaù inourein ha de béhani é ré en hanhue douss a vam perpet; hi e houlenné guet Doué, ne pas bout délivret ag hé drougueu, dré ma oé coutant a nehai, mæs un nerh nehué én hé foénieu, ha bamdé en hi devoé ean guet Doué, rac bamdé é tiblassé a inou crihueit, accouraget, hag hé halon carguet a joé dalhmat.
Quittat èlcé en deved aveit monnèt d'en overen, e vehé, hemb arvar, un dra de vout blamet én ul lod vad aral peré, aveit coutantein un dévosion diavis, e vanquehé, ér fæçon-
(da vout heuliet)

Uccellino

Oc'hpennet em eus er penn-kentañ ag ar fil-mañ pajennoù kentañ ar levr-mañ. Enne e vo kavet ar blez ma oa bet embannet ar levr hag ivez an "Avis"

Uccellino

Pajenn 24

…zé, d'en deværieu ag ou stad. Mæs a berh Germénen, en dra-zé ne oé nitra quin nameid un aboeissance pront d'er péh e houlenné en Eutru-Doué guet-hi. Gout e hré reih mad ne vehé quet bet digouéhet en disterran droug guet hé deved, hag en en devehé bet ou goarnet en Eutru-Doué ean-memb, é pad ma vehé bet pèl doh-t'hai. Gùir é neoah penaus, ou dilezel èlcé, e oé ou laquat é peb riscl ha dangér. Forest Bouconn, péhanni e zou tostig tra hag e sco memb ar barqueu pibrac é peré é pairé en deved-men, e oé carguet a vleidi peré, deustou de ol sourci hag apertiss er vugulion, e hré liès paud mad a zroug é misq el lonnèd e oarnent én dro dehou. Banden deved Germénen ne vehé quet bet a dra sur muioh én abri doh ou hounar argarhus, pe ne vehé quet bet goarnet dré un dorn a ziarlué, dré zorn en Eutru-Doué ean-memb. Er memb dorn-zé e bellé hoah open peb goal ha droug aral e hellé digouéh guet er heih deved-men. Germénen enta, quentéh avel ma cleué er hloh é sonnein d'en overen, e blanté hé bah pé hé heguil én doar, hag e ….
(da vout heuliet...)

Uccellino

Pajenn 25

…ridé d'en ilis. A pe zé én dro goudé, hi e gavé hé deved, èl léh m'hi devoé int lausquet, tranquil caèr é pairein hag hemb goal erbet jamæs. Biscoah blei erbet n'en dès bet lamet unan guet-hi, ha biscoah ehué en deved-cé, goarnet dré gueguil er gueih vugulés-men oeit elcé d'en overen, ne bellas doh el léh hi devoé bet merchet dehai, na ne yas d'hobér droug erbet ér parqueu ag en dro.
Open en dra-zé hoah, avel m'en devoé hum bliget en Eutru-Doué guéharal é rein é vénédiction de vandenneu lonnèd Laban goarnet dré é servitour Jacob, èlcé en hi ré-ean ehué d'en hani e oarné Germénen é vatéh vad. Bout e oé é ol er vourh bandenneu brassoh hilleih a zeved, mæs ne oé quet hani caèrroh aveit hani Germénen. Deustou de ol en dra-zé, hé mammèg divergont e gavé léh d'hi harguein a rebreicheu ha d'hi anjuliein é peb mod, dré en arben ma pellé doh hé banden deved èlcé. En dud aral ag er vourh, test ma oent ag er miracl péhani hum hroé bamdé é quevér er vanden deved-men, é pad ma vezé èl-hont er vugulés santel…
(da vout heuliet...)