Salud d'an holl. C'hoant am behe gouiet hag implijet e vez ar penn-verb "ad-" e bro-Gwened, ma 'peus skouerioù da reiñ din. Evit ar vro uhel e ouian ne vez ket implijet forzh, nemet e gerioù skornet èl "ato" pe marse re arall, met marse ema bevoc'h d'an tu arall ag ar Blañvoezh ? Pe er leinioù-se (Pondi, Klegereg...) ?
E gwirionez ma goulenn a zo a-ziàr daou dra: ar verboù (da ouiet din ne raomp ket èl ba bro-Dreger "addont", "adsevel"... met kazi dalc'hmat get "en-dro", "arre". Ha neuze an anvioù: un adto; un adkarr, un adti ?

Gredañ ket eh vene produktiv ar prefiks-sen ba Bro Gwened Izel.
M'anava ar gaoj "haverenn" (ha zo had-verenn pe haz-verenn) = merenn-anderv... mod'räll eit ar verboù èl "adober" "adkavout" ha traoù sort-sen, 'meus ket hè klawet james c'hoazh. An dud a implia an adverb "en-dro" àr-lerc'h ar verb, chetu tout...

E Treger ma ne farian ket emañ produktifañ ar penn-verb-se, pas ?

'Oarañ ket, n'oñ ket kât da lâret dac'h...

Ba Kerne-Uhel 'taw, é chomet produktif a-walc'h.

Hadkomañs ---> da beked ---> Hadadkomañs

memes, 'vid poueo un tamm, pa vé hadkomañset diw wech, pe n'ouzon ket ped kwech a-wechoù. Deut da ve' ur form-poueo 'benn ar fin.

Fin disklipet vé "Had" peurlïessañ, ba du-mañ, ga'd un "h" 'vel a oar an dud disklipañ 'nehoñ ba ma bro (hag en galleg mem mod )

Had en bro dreger ivez, Dre aman vez Ho krenv ivez

Ya, dreist-holl traoù a vro Gwened; e testennoù a lec'h arall, moarvat, e vo kavet muiikoc'h. Ma 'peus traoù prest, kasit-i atav.