Amañ eh an da lakaat un nebeut gerioù ha troiennoù bet lennet din e levrioù kozh pe koshoc'h, da ouiet hag implijet e vezont hiniv-an-deiz pe pas, hag e-menn.

ér salead-se, ér saléad-hont (én amzér-hont); klevet em eus get unan a gostez Gregam, met unan a zo bet é studiiñ breton er seminer pa oar yaouank, neuze n'on ket sur e vez lâret...)

"un ten min en doé lahet étal d'hou er brér-sé, ha lusket lemel er vuhé get hou ean memb."
ar verb "luskiñ (gober)" get ar sinifiañs "faillir (faire qqch) ho peus klevet en un tu bennak ?

Ne vo ket achuet an tazoù ! : on peut encore attendre longtemps; e-menn e vez implijet ?

a-zifezh-kaer (résolument)

hrevez-an-dailh (kavet stank get Herrieu): "seblant a ra", "klevet em eus komz..."

a-hahuèh (a adwezh): un eil gwezh

ar en drébat-se: dans le même temps
a drebad er blé 857 bet er blé 874 (depuis; cf a-zrebi ?)
en drebad ma oé Annas ha Kaïf belean vras (Aviel Olliereu)

(d'ar) paravi: à qui mieux mieux / autant qu'il peut

hemb som; hag ar ger som dre vras

Boñ, setu; gortoz a ran ho respontoù !

"Reve an dailh" a c'heller klevet kostez Ploe (hag en nebeud parrezioù a-ziàr-dro). A-henderall e teka "luskiñ gober udb" bout anavet kostez Zeglian, ke' Gwillom ar Borgn a Zeglian hen implie ba e levrioù.
Fet ag ar girioù erall, n'em eus ket bet hè klevet naket.

M'meus-miñ klawet "rhevez an dailh" (distaget [χəvendaj]) ba Koedann ivez.
An traoù-sen a zinifia "apparemment". Kavet a vez ba "Supplément de Le Goff" ba achimant geriadur Ernault, skrivet "revendaill".

Ma, n'eus ket kalz a respontoù neuze e lakaan ar sujed da grapout en-dro, n'eo ket gwall ger d'ober, ha gwelet 'vo !

Un dra: get ar ger "som" em eus klevet, "Brav eo honnezh, met be zo som(m) dezhi !"; da lâret eo e c'heller kavout (forzh aes) re bravoc'h eviti. E-kostez an Alre em eus klevet an dra-se, met n'em eus ket james gwelet an dra-se skrivet. Lojik eo neuze lenn "ur garantez hemb som" evit "sans limite". Un dra da welet get ar latin "summum" ?